Ümumi xəbərlər
03.10.14 16:50
Hər il Oktyabrın 5-i bütün dünyada Müəllim Günü kimi qeyd olunur. Bu gün müəllimlər öz peşə bayramlarını keçirirlər. Hər kəs özünün ibtidai məktəbdə, birinci sinifdə oxuduğu illəri xoş xatirə kimi anır və bu xatirələrdə ən əziz yeri, əlbəttə ki, ona sevgi və qayğı ilə qələm tutmağı, yazı yazmağı, kitab oxumağı öyrədən müəllim tutur. Müəllimlik dünyada ən çətin, eyni zamanda ən şərəfli və ən gözəl peşədir. Bu gözəl və şərəfli işin dəyərini bilən əcdadlarımız həmişə müəllimə hörmətlə yanaşmışlar. Valideynlə bərabər, bəlkə də, ondan daha çox, uşağın hər cür şıltaqlığına, əziyyətinə dözmək, kədəri ilə kədərləndirib, sevinci ilə sevinmək müəllimlərin üzərinə düşən ağır yükdür.
Müəllim əməyinin nəticəsində cəmiyyət formalaşır, savadlı, bilikli, dünya dünyagörüşlü, nümunəvi əxlaqa malik insanlar yetişir. Müəllimlər yeni cəmiyyət quruculuğunun memarlarıdır. Hər birimizin layiqli vətəndaş kimi yetişməsində müəllimlərimizin əvəzsiz xidmətləri olmuşdur.
01.10.14 15:18
Bu gün liseyimizdə Beynəlxalq Ahıllar günü ilə bağlı tədbir keçirildi. Tədbirin keçirilməsində məqsəd şagirdlərə gözəl əxlaqi keyfiyyətlər aşılamaq, onları milli dəyərlərimizə və soy kökümüzə layiq şəkildə tərbiyələndirməyə yönəlmişdi. Tədbir zamanı liseyimizin müəllim heyəti və şagird kollektivi yadda qalan anlar yaşadı.30.09.14 08:47
Əziz şagirdlərimiz Brain Ring yarışmasının hazırlığına start verildi. Kimya -biologiya aylığına hazırlıq başladı. Qeyd edək ki, Bu tədris ilində Yuxarı siniflərdə yarışma 7 aylıq üzrə, ibtidai siniflərdə isə 6 aylıq üzrə keçiriləcək. Qiymətləndirmə qaydası əvvəlki yarışmalarda olduğu kimi qalır. Oktyabr ayının 3-də saat ibtidai siniflər üçün 14:00, yuxarı siniflər üçün 14:30-da liseyin idman zalında püşkatma mərasimi keçiriləcək. Püşkatma zamanı yuxarı(V-IX) siniflərdən 8 komanda hər komandada 7 nəfər olmaqla, ibtidai (III-IV) siniflərdən isə 6 komanda hər komandada 5 nəfər olmaqla seçiləcək. Hamınıza yarışlarda uğurlar arzu edirik.24.09.14 14:47
Əziz müəllimlər ibtidai siniflər üçün normativ formalarını aşağıdan yükləyə bilərsiniz:2-ci siniflər üçün
Oxu
İmla
Summativ
3-cü siniflər üçün
Oxu
İmla
Summativ
4-cü siniflər üçün
Oxu
İmla
Summativ
15.09.14 13:24
Bütün Azərbaycan təhsil ocaqlarında olduğu kimi bizdə , “İdrak” liseyində də “Bilik günü” münasibəti ilə geniş tədbir keçirildi. Tədbir 1-cilərin hazırladığı səhnəcik ilə başlandı. Dövlət Himnimiz səsləndirilib, bayrağımız uca göylərə qaldırıldı. Liseyin rəhbərliyi "Bilik günü" ilə bağlı şagirdləri təbrik etdi. Liseyimizin şagirdlərinə qonaqlar yeni dərs ilində uğurlar arzuladılar.Sonda ilk zəngin sədaları altında ilə tədbirimizi yekunlaşdırdıq.
