Təhlükəsizlik və mühafizə xidməti

İdrak Liseyində şagirdlərin təhlükəsizliyi, sağlamlığı və rahatlığı ən mühüm prioritetlərdən biridir. Tədris prosesinin təhlükəsiz və etibarlı mühitdə həyata keçirilməsi məqsədilə liseyimizdə müasir təhlükəsizlik tədbirləri tətbiq olunur və mühafizə xidməti fasiləsiz şəkildə fəaliyyət göstərir.

Liseyin mühafizəsi bu sahədə ixtisaslaşmış şirkətin peşəkar əməkdaşları tərəfindən həyata keçirilir. Məktəb binasına giriş-çıxışa ciddi nəzarət olunur, şagirdlərin, müəllimlərin və digər əməkdaşların təhlükəsizliyinin təmin edilməsi üçün müvafiq tədbirlər görülür. Kənar şəxslərin məktəb binasına icazəsiz daxil olması qəti qadağandır.

24 saat mühafizə və nəzarət

Liseyimizdə təhlükəsizliyin təmin edilməsi məqsədilə mühafizə xidməti günün 24 saatı fəaliyyət göstərir. Məktəb ərazisinə giriş-çıxışın nəzarətdə saxlanılması, daxili nizam-intizamın qorunması və mümkün təhlükəsizlik risklərinin qarşısının alınması mühafizə xidmətinin əsas vəzifələrindəndir.

Videomüşahidə sistemi

İdrak Liseyində təhlükəsizlik tədbirlərinin mühüm hissəsini videomüşahidə sistemi təşkil edir. Sinif otaqları, dəhlizlər və məktəbin digər müvafiq əraziləri videomüşahidə kameraları vasitəsilə nəzarətdə saxlanılır.

Bu sistem məktəb daxilində təhlükəsizliyin gücləndirilməsinə, baş verə biləcək xoşagəlməz halların qarşısının alınmasına və tədris mühitində nizam-intizamın qorunmasına xidmət edir.

Təhlükəsiz və etibarlı təhsil mühiti

İdrak Liseyində təhlükəsizlik yalnız mühafizə tədbirləri ilə məhdudlaşmır. Məktəb daxilində məsuliyyətli davranışın, qarşılıqlı hörmətin və təhlükəsizlik qaydalarına riayət olunmasının təşviq edilməsi də xüsusi əhəmiyyət daşıyır.

Məqsədimiz hər bir şagirdin özünü qorunan, rahat və təhlükəsiz mühitdə hiss etməsini təmin etmək, valideynlərə isə övladlarının etibarlı və qayğıkeş təhsil mühitində olduqlarına əminlik qazandırmaqdır.